Sipas informatave të siguruara brenda hetimit, Njësiti i DHTN–Pejë ka pranuar për hetim rastin pas raportimit nga oficerët korrektues të burgut. Gjatë kryerjes së detyrës zyrtare, oficerët kanë vërejtur të dyshuarin Sali Malluta, rreth 32-vjeçar, duke hedhur një send të dyshimtë nga dritarja e Pavijonit nr. 4, në drejtim të shëtitores së Pavijonit nr. 3.
Pas reagimit të menjëhershëm, zyrtarët korrektues kanë gjetur dy (2) qese me substancë të dyshuar narkotike, e cila pas ekzaminimit ka rezultuar të jetë marihuanë, me peshë të përgjithshme rreth 7 gram.
Lidhur me rastin dhe provat materiale është njoftuar Prokurori kompetent kujdestar, i cili ka urdhëruar që rasti të iniciohet për veprën penale “Blerja, shpërndarja dhe shitja e paautorizuar e narkotikëve, substancave psikotrope ose analoge”.
Hetimet për këtë rast po vazhdojnë nga Njësiti i DHTN–Pejë.
GAZETA X - INFORMOHU I PARI
