Sot, gjatë ditës, u raportua për protesta si pasojë e mungesës së rrymës prej disa ditësh në Mamushë, ndërkohë që ankesat për çmimet e rrymës nuk kanë ndalur dhe reduktimet kanë qenë të pashmangshme edhe gjatë natës të ndryshimit të moteve.
Megjithatë, Kurtit nuk duket se i ka lënë “fort përshtypje” situata.
Ai sot, përmes një postimi në llogarinë e tij zyrtare në Facebook, tha se Korporata Energjetike e Kosovës ndodhet në një moment historik transformimi.
Kosovë
Çmimet “katastrofale” dhe reduktimet e përditshme – Kurti: KEK-u në një moment historik
news image
sinjali
Sinjali.com
01 Janar 2026 18:01
Kryeministri në detyrë dhe i rizgjedhur i Kosovës, Albin Kurti, nuk ka ndalur lavdërimet për KEK-un dhe “qëndrueshmërinë e energjisë elektrike” në vend.
Sot, gjatë ditës, u raportua për protesta si pasojë e mungesës së rrymës prej disa ditësh në Mamushë, ndërkohë që ankesat për çmimet e rrymës nuk kanë ndalur dhe reduktimet kanë qenë të pashmangshme edhe gjatë natës të ndryshimit të moteve.
Megjithatë, Kurtit nuk duket se i ka lënë “fort përshtypje” situata.
Ai sot, përmes një postimi në llogarinë e tij zyrtare në Facebook, tha se Korporata Energjetike e Kosovës ndodhet në një moment historik transformimi.
“Korporata Energjetike e Kosovës ndodhet në një moment historik transformimi. Investimet tejkalojnë 500 milionë euro, për ta bërë këtë ndërmarrje moderne, të qëndrueshme dhe në përputhje të plotë me standardet e Bashkimit Evropian”, shkroi Kurti në postimin e bërë sot.
Ai gjithashtu ka falënderuar punonjësit e KEK-ut:
“Falënderoj punonjësit dhe menaxhmentin e KEK-ut për punën dhe profesionalizmin, dhe Bordin e Drejtorëve dhe Ministrinë e Ekonomisë për mbikëqyrjen dhe përkrahjen për KEK-un në këto projekte transformuese. KEK-u sot po forcon themelet e energjisë së të ardhmes: një KEK më i fortë, më modern, më i sigurt dhe më i gjelbër, në shërbim të qytetarëve të Republikës së Kosovës dhe të brezave që vijnë”, përfundoi ai.
